Hinsegin, trans og hán?

Það besta sem hægt er að gera er einfaldlega að eiga opið og heiðarlegt samtal, bjóða fram stuðning í hvaða formi sem er og spyrja hvað við getum gert. Það getur líka verið gott að leita til ráðgjafarteymis Samtakanna ‘78 þegar kemur að stuðningi við hinsegin ástvin, en ráðgjafarnir okkar hafa mikla reynslu og þekkingu á þessu sviði.

Önnur stór breyting sem lögin fela í sér er að fólki verður frjálst að gera breytingar á kynskráningu sinni án þess að þurfa fyrst greiningu á svokölluðum „kynáttunarvanda“ af hendi heilbrigðiskerfisins með tilheyrandi biðtíma og óvissu. Lögin eru mikil réttarbót fyrir trans og intersex fólk hérlendis.

Margt fólk ruglar saman orðunum trans karl og trans kona. Góð þumalputtaregla til að muna merkingu hvors orðs er að alltaf er talað um fólk í því kyni sem það er í dag. Þannig er trans karl til dæmis manneskja sem í æsku (eða lengur) var álitin stelpa/kona af samfélaginu en lifir í dag sem karl.

Það er fólki fullkomlega í sjálfvald sett hvort það vill nota einhver þeirra hinsegin hugtaka sem til eru um sjálft sig. Skilgreiningarvaldið ætti alltaf að vera í höndum hverrar og einnar manneskju.

Nú er það málfræðin. Orðið „kvár“ er ókyngreint nafnorð um fullorðna manneskju (líkt og orðin „kona“ og „karl“). Hán er hins vegar persónufornafn (líkt og „hún“ og „hann“).

Það er ágætt að hafa í huga að þau sem standa fyrir öráreitni ætla sér ekki endilega að skaða eða taka þátt í jaðarsetningu fólks, heldur er öráreitni þvert á móti stundum ætluð sem hrós. Því getur verið erfitt að koma auga á öráreitni og benda gerendum á að hegðun þeirra hafi skaðleg áhrif.